नेमबाजी वर्ल्डकप :nमहाराष्ट्राची ‘सुवर्णकन्या’ राही सरनोबतने रचला इतिहास!nn( शिव-कल्याण न्युज नेटवर्क )nnक्रोएशियामध्ये सुरू असलेल्या आय.एस.एस.एफ. नेमबाजी वर्ल्डकपमध्ये भारतीय नेमबाज आणि मराठमोळ्या राही सरनोबतने २५ मीटर पिस्तूल प्रकारात सुवर्णपदक जिंकून इतिहास रचला आहे. नेमबाजी वर्ल्डकपमध्ये भारतासाठी हे पहिले सुवर्णपदक आहे.nअंतिम फेरीत राहीने ४० पैकी ३९ गुण मिळवत सुवर्णपदक मिळविले.n२५ मीटर पिस्तूल प्रकाराच्या अंतिम फेरीत राहीने फ्रेंच व रशियन नेमबाजांना मागे टाकत ही कामगिरी केली. अंतिम फेरीत मनु भाकेरला काही खास कामगिरी करता आले नाही आणि ती सातव्या स्थानावर राहिली.nफ्रान्सची मॅथिलडे लामोलेला रौप्यपदक मिळाले. तिने अंतिम फेरीत ३१ गुण मिळवले.nया वर्ल्डकपमध्ये १० मीटर एअर पिस्तूल मिश्र स्पर्धेत सौरभ चौधरी आणि मनु भाकेर या भारतीय जोडीने रौप्यपदक जिंकले.nयापूर्वी भारताने एक रौप्य व दोन कांस्यपदके जिंकली आहेत.nसरनोबतने मिळविलेले सुवर्णपदक हे वर्ल्डकपमधील भारताचे पहिले सुवर्णपदक आहे.nराहीच्या कामगिरीचे सर्वत्र कौतुक होत आहे.