🌹 ११ आक्टोबर १९४२(प्रयागराज,यु.पी.)🌹 महानायक अमिताभ बच्चन यांचा वाढदिवस

🌹 ११ आक्टोबर १९४२(प्रयागराज,यु.पी.)🌹nमहानायक अमिताभ बच्चन यांचा वाढदिवसnn( शिव-कल्याण न्युज नेटवर्क )nnदि.11 आक्टोंबर : चंदेरी सिनेमासृष्टीतील महानायक अमिताभ बच्चन यांच्या वडिलांचे मूळ आडनाव श्रीवास्तव असले तरी बच्चन या टोपणनावाने ते कविता प्रसिद्ध करीत. चित्रपटसृष्टीत प्रवेश करताना अमिताभ यांनी हे टोपणनाव आडनाव म्हणून वापरायला सुरुवात केली आणि पुढे संपूर्ण कुटुंबाचेच बच्चन हेच आडनाव व्यवहारात रूढ झाले.nnअमिताभ बच्चन यांचे शिक्षण अलाहाबादच्या ज्ञानप्रबोधिनी आणि बॉईज हायस्कूल येथे,nतर महाविद्यालयीन शिक्षण नैनितालच्या शेरवूड महाविद्यालयात झाले आणि त्यानंतर दिल्लीच्या किरोडीमल महाविद्यालयातून त्यांनी विज्ञानाची पदवी संपादन केली.nnत्यांनी आपल्या कारकीर्दीच्या सुरुवातीला कोलकाता येथे एका कंपनीत काम केले.nनंतर चित्रपटात संधी शोधण्यासाठी ते मुंबईत दाखल झाले.nnमुंबईत त्यांना ख्वाजा अहमद अब्बास यांच्या सात हिंदुस्थानी या चित्रपटात सर्वप्रथम भूमिका मिळाली. यानंतर हृषीकेश मुखर्जी दिग्दर्शित आनंद या चित्रपटात त्यावेळचे लोकप्रिय सुपरस्टार कलाकार राजेश खन्ना यांच्या समवेत काम करण्याची संधी मिळाली.nत्यांनी आनंदमधील भूमिकेचे सोने केले.nत्या वर्षीचा सर्वोष्कृष्ट सहाय्यक अभिनेत्याचा फिल्मफेअर पुरस्कारही त्यांना मिळाला.nnनमकहराम या चित्रपटातील त्यांची भूमिकाही लक्षवेधी ठरली.nत्या पाठोपाठ आलेला जंजीर चित्रपटातील पोलीस इन्स्पेक्टरची त्यांची भूमिका विशेष गाजली आणि येथूनच त्यांची अंग्री यंग मॅन ची प्रतिमा जनमानसात प्रस्थापित झाली.nप्रचलित समाजव्यवस्थेच्या विरोधात बंडखोरी व क्रोध व्यक्त करणाऱ्या संतप्त युवकाचे प्रतिनिधित्व त्यांनी पडद्यावर आपल्या भूमिकांद्वारे केले.nत्यामुळे त्यांच्या भूमिका रसिकांना आपल्याशा वाटल्या.nnउंच शरीरयष्टी, भेदक डोळे, भारदस्त घनगंभीर आवाज आणि गहिरी भावगर्भ अभिनयशैली यांमुळे बच्चन यांनी रसिकांच्या मनावर अधिराज्य गाजवले.nते लवकरच ‘सुपरस्टार’n(अभिनय सम्राट) पदावर पोचले व रूपेरी पडद्यावर जणू अमिताभ युग सुरू झाले.nआजतागायत त्यांच्याइतकी लोकप्रियता अन्य कोणत्याही अभिनेत्याला लाभलेली नाही.nnबच्चन हे त्यांच्या काळात भारतातील सर्वाधिक मानधन घेणारे अभिनेते होते.nअमिताभ बच्चन चित्रपटात असले म्हणजे चित्रपट आर्थिक दृष्ट्याही फायदेशीर ठरणार, असा चित्रपट उद्योगाचा वर्षानुवर्षांचा अनुभव होता.nआतापर्यंत त्यांनी सुमारे १६८ चित्रपटांतून भूमिका केल्या असून त्यांचे मनमोहन देसाई,nप्रकाश मेहरा, यश चोप्रा यांसारख्या दिग्दर्शका बरोबर केलेले चित्रपट विशेष गाजले.nnत्यांच्या यशस्वी, लोकप्रिय चित्रपटाच्या यादीत अभिमान, दीवार, शोले, कभी कभी,nअमर अकबर अँथनी,nमुकद्दर का सिकंदर, त्रिशूल, डॉन, काला पत्थर, नसीब, लावारीस, सिलसिला, नमकहलाल, कुली, शराबी, अग्निपथ यांसारख्या अनेक चित्रपटांचा उल्लेख करता येईल.nnबच्चन यांनी १९ चित्रपटांसाठी पार्श्वगायनही केले आहे.nमि. नटवरलाल या चित्रपटातील पार्श्वगायना साठी त्यांना फिल्मफेअर पुरस्कारही मिळाला आहे.nधीरगंभीर, भारदस्त आवाज हे बच्चन यांचे आणखी एक वैशिष्ट्य.nआपल्या भारदस्त आवाजाचा वापर त्यांनी भूमिका साकारताना तर केलाच,nशिवाय काही चित्रपटांना त्यांनी आपल्या भारदस्त आवाजात पार्श्व निवेदनही दिले आहे.nत्यांत भुवनशोम, शतरंज के खिलाडी, लगान आदी चित्रपटांचा उल्लेख करता येईल.nज्येष्ठ अभिनेत्री जया भादुरी याच्याशी १९७३ मध्ये त्यांचा विवाह झाला.nn१९८४ मध्ये ते अलाहाबाद लोकसभा मतदारसंघातून खासदार म्हणून निवडून आले.nत्यांचे मताधिक्यही विक्रमी ठरले.nराजकारणातली त्यांची कारकीर्द मात्र त्यांना मानवली नाही.n१९८२ साली कुली या चित्रपटाच्या चित्रीकरणाप्रसंगी त्यांना अपघात झाल्याने त्यांची प्रकृती गंभीर झाली;nत्यावेळी त्यांच्यासाठी त्यांच्या चाहत्यांनी देशभर प्रार्थना,nनवस केले व शुभेच्छा दिल्या.nnआतापर्यंत त्यांना १४ वेळा फिल्मफेअर पुरस्कार,nतर दोन वेळा उत्कृष्ट अभिनयासाठी राष्ट्रीय पुरस्कार मिळाले असून,n१९८४ मध्ये पद्मश्री,n२००१ मध्ये पद्मभूषण आणि २०१५ साली पद्मविभूषण पुरस्कार प्रदान करून भारत सरकारने या महानायकाचा गौरव केला आहे.nया शिवाय अनेक मानद उपाध्याही त्यांना मिळाल्या आहेत.nविदेशांतही त्यांचे सन्मान झाले आहेत.nnत्यांनी १९९६ मध्ये अमिताभ बच्चन कॉर्पोरेशन लि. ही चित्रपटनिर्मिति संस्था स्थापन केली होती. आर्थिक नुकसानीमुळे त्यांना ती बंद करावी लागली.n२००० मध्ये ‘कौन बनेगा करोडपती’ या दूरचित्रवाणीवरील प्रश्नमंजुषा मालिकेने त्यांच्या लोकप्रियतेत अधिकच भर घातली.nदूरचित्रवाणीवरील कार्यक्रमाचे सूत्रसंचालन कसे करावे, याचा आदर्श वस्तुपाठच बच्चन यांनी आपल्या निवेदनाने घालून दिला.nnवाढत्या वयानुसार बच्चन यांनी आपल्या भूमिकांचा बाज बदलला असला,nतरी त्यांचा अभिनय उत्तरोत्तर अधिकाधिक परिपक्व होत गेलेला दिसून येतो.nअमिताभ बच्चन यांची कारकीर्द अद्यापही चालू असून वयाच्या 80 तही ते तरुणांना लाजवेल अशा उत्साहात कार्यरत आहेत. त्यांचे एकूण व्यक्तिमत्त्व अनेकांसाठी प्रेरणादायी ठरले आहे.nn⭕अमिताभ बच्चन यांना वाढदिवसाच्या शुभेच्छा !nn🌹🌹🌹🌹🌹🌹🌹🌹🌹🌹🌹