राज्य मंत्रिमंडळाचा विस्तारnn( शिव-कल्याण न्युज नेटवर्क )nnमुंबई , दि.9 : राज्य मंत्रिमंडळाचा आज रोजी विस्तार करण्यात आला. राज्यपाल भगतसिंह कोशारी यांनी 18 नवनियुक्त मंत्र्यांना पद व गोपनीयतेची शपथ दिली. राजभवनातील दरबार हॉल येथे शपथविधी कार्यक्रम आयोजित करण्यात आला होता. यावेळी मुख्यमंत्री एकनाथ शिंदे व उपमुख्यमंत्री देवेंद्र फडणवीस उपस्थित होते.nnया समारंभास विधानसभा अध्यक्ष अँड.राहुल नार्वेकर, केंद्रीय सामाजिक न्याय राज्यमंत्री रामदास आठवले केंद्रीय रेल्वे राज्यमंत्री रावसाहेब दानवे, केंद्रीय अर्थ राज्यमंत्री भागवत कराड, केंद्रीय पंचायत राज्यमंत्री कपिल पाटील, विधानसभा विरोधी पक्ष नेते अजित पवार, राज्याचे मुख्य सचिव मनुकुमार श्रीवास्तव, प्रधान सचिव तथा मुख्य राजशिष्टाचार अधिकारी मनीषा म्हैसकर उपस्थित होते.nnशपथविधी सोहळ्यास सकाळी 11 वाजताच्या सुमारास प्रारंभ झाला. राज्यपाल भगतसिंह कोशारी यांनी सर्वश्री राधाकृष्ण विखे पाटील, सुधीर मुनगंटीवार, चंद्रकांत पाटील, डॉ. विजयकुमार गावित, गिरीश महाजन, गुलाबराव पाटील, दादाजी भुसे, संजय राठोड, सुरेश खाडे, संदिपान भुमरे, उदय सामंत, प्रा. तानाजी सावंत, रवींद्र चव्हाण, अब्दुल सत्तार, दीपक केसरकर, अतुल सावे, शंभूराज देसाई, मंगलप्रभात लोढा यांना पद व गोपीनेतेची शपथ दिली.nराष्ट्रगीताने शपथविधी सोहळ्याची सुरुवात व सांगता झाली. या सोहळ्याला नवनियुक्त मंत्र्यांचे कुटुंबीय, लोकप्रतिनिधी, वरिष्ठ अधिकारी आदी उपस्थित होते.