स्वातंत्र्य दिनाच्या पूर्वसंध्येला महाराष्ट्राने नोंदवला लसीकरणात नवा विक्रम!nnकोरोना प्रतिबंधात्मक लसीकरण मोहिमेत महाराष्ट्राने स्वातंत्र्य दिनाच्या पूर्वसंध्येला अजून एक विक्रम नोंदविला.nदिवसभरात सायंकाळी सात वाजेपर्यंत ९ लाख ३६ हजार नागरिकांचे लसीकरण करण्यात आले.nएका दिवसात एवढ्या मोठ्या संख्येने लसीकरणाची आतापर्यंतची ही सर्वाधिक आकडेवारी आहे.nया कामगिरीबद्दल मुख्यमंत्री उद्धव ठाकरे,nआरोग्यमंत्री राजेश टोपेnयांनी आरोग्य यंत्रणेचे अभिनंदन केले आहे.nकोरोनाला रोखण्यासाठी लसीकरण महत्वाचे शस्त्र असून लसींचा पुरवठा सुरळीत राहिल्यास राज्यात अशाच मोठ्या संख्येने नागरिकांचे लसीकरण होऊ शकते.nदिवसाला किमान १० लाख लसीकरणाची क्षमता राज्याची असून विक्रमी लसीकरणाने हे सिद्ध झाले आहे.nयापुढेही असेच विक्रमी संख्येने लसीकरणासाठी आरोग्य यंत्रणा प्रयत्नशील असेल,nअसे आरोग्यमंत्री राजेश टोपे यांनी सांगितले आहे.nसायंकाळी सात वाजेपर्यंत दिवसभरात ९ लाख ३६ हजार नागरिकांचे लसीकरण झालेnअसून त्यात वाढ होऊ शकते,nअसे आरोग्य विभागाचे अपर मुख्य सचिव डॉ. प्रदीप व्यास यांनी सांगितले.nयापूर्वी ३ जुलै रोजी ८ लाख ११ हजार नागरिकांना लस देऊन राज्याने विक्रमी कामगिरी नोंदविली होती,nत्यात लसीकरणाच्या सर्वोच्च संख्येने अजून एक नवा विक्रम केल्याचे डॉ. व्यास यांनी सांगितले.