कोरोनामुळे पालक गमावलेल्या विद्यार्थ्यांची संपूर्ण फी माफ,nसावित्रीबाई फुले विद्यापीठाचा मोठा निर्णयnn( शिव-कल्याण न्युज नेटवर्क )nnकोरोनामुळे निर्माण झालेल्या आर्थिक अडचणींचा फटका सर्वच विद्यार्थ्यांना सहन करावा लागत आहे.nत्यामुळे सावित्रीबाई फुले पुणे विद्यापीठाकडून शैक्षणिक वर्ष २०२१-२२ साठी शुल्क कपातीचा निर्णय घेण्यात आला आहे.nउच्च व तंत्रशिक्षणमंत्री उदय सामंत यांनी महाविद्यालयातील विद्यार्थ्यांचे शुल्क कमी करण्याचा निर्णय घेतला होता.nदुर्दैवाने ज्या विद्यार्थ्यांनी कोरोनामुळे आपले पालक गमावले आहेत, त्यांच्यासाठी १०० टक्के शुल्क माफ करण्यात आले असल्याचे विद्यापिठातर्फे सांगण्यात आले आहे.nसरकारच्या उच्च व तंत्रशिक्षण विभागाने फी मध्ये सवलत देण्याबाबत निर्णय जाहीर केला होता.nत्यासाठी विद्यापीठ प्रशासनाकडून प्रस्ताव सादर करण्यासाठी एक समिती स्थापन केली होती.nया समितीने आपला अहवाल सोबत सादर केला होता.nत्यानंतर कुलगुरूंनी समितीचा अहवाल स्वीकारला आणि शिफारसी मंजूर केल्या.nत्यानुसार, विद्यापिठाने विविध अभ्यासक्रमांचे शुल्क कमी केले.nदरम्यान, कोरोना काळात ज्या विद्यार्थ्यांनी आपले दोन्ही किंवा एक पालक गमावले आहेत त्यांना फीमध्ये १०० टक्के सवलत देण्यात आली आहे.nही फी मध्ये कपात केवळ शैक्षणिक वर्ष २०२१-२२ साठी लागू करण्यात आली आहे.nगरजू विद्यार्थ्यांना लेखी अर्ज केल्यानंतर त्यांना हप्त्यांमध्ये शुल्क भरता येणार आहे.nवसतिगृह/ निवास शुल्क तेव्हाच लागू होईल जेव्हा विद्यार्थी महाविद्यालयांमध्ये येतील.