आमदार रोहित पवार यांना करमाळ्यात दणका !nnसचिन तरंगे ( शिव-कल्याण न्युज नेटवर्क )nnसोलापूरच्या करमाळ्यातील ‘आदिनाथ ‘सहकारी साखर कारखाना आमदार रोहित पवार यांच्या “बारामती ऍग्रोला” भाडेतत्वातर देण्याच्या निर्णयाला स्थगिती मिळाली आहे.nnयाबाबत ऋण वसुली संचालनालयच्याकडून बारामती ऍग्रो ला दणका बसला आहे.nnकरमाळा तालुक्यातील आदिनाथ सहकारी साखर कारखाना पवार यांच्या बारामती ऍग्रोला भाडेतत्त्वावर देण्याचा निर्णय झाला होता. मात्र ऋण वसुली संचालनालयाकडून पुढच्या सुनावणीपर्यंत या निर्णयाला स्थगिती देण्यात आली आहे.nnआता भाडेतत्त्वावर आदिनाथ देण्यासंदर्भातील निर्णय सध्या तरी थांबणार असल्याचे दिसत आहे. त्यामुळे संचालक आणि सभासद यांच्यात आनंदाचे वातावरण आहे.nnयापूर्वी 2867 रुपयांनी साखर विक्री करण्याचा निर्णय घेतला होता तोही थांबून त्यापेक्षा वाढीव रकमेची जो साखर घेईल त्याला ती साखर देण्याचा निर्णय घेण्यात आला आहे.nnकरमाळा येथील आदिनाथ सहकारी साखर कारखाना तीन वर्षांपासून बंद आहे.nnदरम्यान संचालक मंडळाच्या ठरावानुसार कारखाना भाडेतत्त्वावर देण्याचा निर्णय झाला होता.nnत्यानंतर दोन वर्ष झाले तरी कारखाना सुरू न झाल्याने कारखान्याचे सभासद, शेतकरी व कर्मचाऱ्यांमध्ये नाराजी निर्माण झाली होती.nnसंचालकांनाही नेमके काय करावे? हा प्रश्न होता. अशा परिस्थितीत काही काळात एक समितीही तयार झाली होती.nnतेव्हा हा कारखाना भाडेतत्त्वावर देऊ देणार नाही अशी भूमिका त्यांनी मांडली होती. तर आदिनाथ सहकारी साखर कारखाना हा सहकारी तत्त्वावरच चालवला गेला पाहिजे असे त्यांचे म्हणणे होते.nnसंचालक मंडळाने कारखाना सुरू करण्यासंदर्भात व भाडेतत्त्वावर न देण्याचा निर्णय घेऊन निर्देशन संचालन यांच्याकडे धाव घेतली होती.nnयावेळी संचालकांच्या बाजूने हा पहिला निकाल लागल्याचे दिसून येत आहे.nnत्यामुळे आता आदिनाथ सहकारी साखर कारखाना भाडेतत्त्वावर देण्याच्या संदर्भात स्थगिती देण्यात आले आहे.nnपश्चिम महाराष्ट्रातले उद्योग फक्त उद्योग नाहीत तर ते राजकारणाचा पाया आहे. या भागातील बहुतांश राजकारण हे सहकारी संस्थांवर अवलंबून असते.nnज्याची पकड या सरकारी क्षेत्रावर त्याचीच पकड या भागातील राजकारणावर, असेच एकंदरीत समीकरण हे पश्चिम महाराष्ट्रातील राजकारणाचं आहे. त्यादृष्टीनेही रोहित पवारांना हा मोठा झटका आहे.nnआता रोहित पवार काय भूमिका घेणार याकडे सर्वांचे लक्ष लागले आहे