राज्यमंत्री बच्चू कडू यांना दोन वर्ष कारावासाची शिक्षा!न्यायालयाचा निर्णय

राज्यमंत्री बच्चू कडू यांना दोन वर्ष कारावासाची शिक्षा!न्यायालयाचा निर्णयnnसचिन तरंगे ( शिव-कल्याण न्युज नेटवर्क )nnराज्याचे जलसंपदा व लाभक्षेत्र विकास, शालेय शिक्षण, महिला व बालविकास, इतर मागासवर्ग, सामाजिक व शैक्षणिक मागास प्रवर्ग, विमुक्त जाती, भटक्या जमाती आणि विशेष मागास प्रवर्ग कल्याण, कामगार या खात्यांचे राज्यमंत्री ओमप्रकाश ऊर्फ बच्चू कडू यांना चांदुर बाजार प्रथम वर्ग न्यायालयाने २ वर्ष कारावास आणि २५ हजार रुपये दंडाची शिक्षा सुनावली. अमरावती जिल्ह्यातील चांदुर बाजार प्रथम वर्ग न्यायालयाने हा निर्णय दिला आहे.nnसन २०१४ च्या विधानसभा निवडणुकीच्या वेळी दिलेल्या शपथ पत्रात बच्चू कडू यांनी मुंबई येथील फ्लॅटची माहिती दडवली होती. ही माहिती निवडणूक आयोगापासून दडवणे राज्यमंत्री कडूंना चांगलेच महागात पडले आहे.nnभारतीय जनता पक्षाचे नगरसेवक गोपाल तिरमारे यांनी माहितीच्या अधिकारात सदर माहिती मिळवून २०१७ मध्ये कडूंच्या विरोधात तक्रार दाखल केली होती.nnबच्चू कडू यांच्या मालकीचा फ्लॅट:-nnमुंबईत ४२ लाख ४६ हजार रुपयांचा फ्लॅट बच्चू कडू यांच्या मालकीचा आहे.nयाबाबत ची माहिती निवडणूक आयोगाला दिली नाही. भाजप नगरसेवक गोपाल तिरमारे यांनी त्यांच्या विरोधात तक्रार दाखल केली होती. त्यानुसार लोकप्रतिनिधी कायद्यान्वये त्यांच्या विरोधात गुन्हा दाखल झाला होता. तपासात मुंबईतील ४२ लाखांचा फ्लॅट बच्चू कडू यांचाच असल्याचे निष्पन्न झाले. त्यानंतर न्यायालयाने उपरोक्त शिक्षा ठोठावली.nn२०१७ मध्ये तक्रार झाल्यानंतर बच्चू कडूंनी सर्व आरोप फेटाळून लावले होते. राजयोग सोसायटीने सर्व आमदारांना घरे उपलब्ध करून दिली होती. त्यासाठी बॅंकेकडून ४० लाख रुपयांचे कर्जदेखील देण्यात आले होते. पण कर्जाची परतफेड वेळेत होऊ न शकल्याने तो फ्लॅट विकल्याचा दावा बच्चू कडू यांनी केला होता.nnआपल्यावर लावण्यात आलेले सर्व आरोप खोटे असल्याचा दावाही त्यांनी त्यावेळी केला होता. २०१४ च्या विधानसभा निवडणुकीत अर्ज दाखल करताना मुंबईतील मालमत्तेची माहिती निवडणूक आयोगाला दिली नव्हती. नेमकी हीच बाब हेरून तक्रारकर्त्याने बच्चू कडू यांनी माहिती दडवून निवडणूक आयोगाची दिशाभूल केल्याचे सांगत तक्रार दाखल केली होती. गेल्या पाच वर्षांपासून या प्रकरणी सुनावणी सुरू होती. चांदूर बाजार प्रथम वर्ग न्यायालयाने आज अखेर राज्यमंत्री बच्चू कडू यांना दोन महिने सश्रम कारावास आणि २५ हजार रुपये दंडाची शिक्षा सुनावली.