शहरातील निर्बंध शिथिल करण्याचे फक्त आश्वासनच , प्रत्यक्षात पूर्वीचेच निर्बंध कायम
( शिव-कल्याण न्युज नेटवर्क )
पुणे : शहरातील निर्बंध शिथिल करून दुकाने सुरू ठेवण्याची वेळ वाढवून देण्यासंदर्भात मुख्यमंत्री सकारात्मक असून दोन दिवसांत निर्णय घेण्याचे सूतोवाच उपमुख्यमंत्री अजित पवार यांनी केले होते.
सध्याचे र्निबथ शिथिल करण्यासंदर्भात मुख्यमंत्री आणि उपमुख्यमंत्री यांच्याशी सकारात्मक चर्चा झाली असून दोन दिवसांत र्निबधांतून दिलासा मिळेल,
असे गृहमंत्री दिलीप वळसे पाटील यांनीही सांगितले.
प्रत्यक्षात मात्र पूर्वीचेच निर्बंध शहरात लागू असल्याचे आदेश महापालिका आयुक्तांनी काढले आहेत.
शहरातील निर्बंध शिथिल करण्याबाबतचे संकेत उपमुख्यमंत्री आणि पालकमंत्री अजित पवार यांनी मेट्रोच्या चाचणी कार्यक्रमानंतर दिले होते.
शहरातील सर्व दुकांनाची वेळ रात्री आठपर्यंत करून शनिवार-रविवार अशा टाळेबंदीच्या दोनपैकी एकच दिवस दुकाने बंद ठेवण्याबाबत मुख्यमंत्री उद्धव ठाकरे सकारात्मक असल्याचे स्पष्ट करून याबाबतचे सुधारित आदेश दोन दिवसांत निघण्याची शक्यता असल्याचे पवार यांनी सांगितले होते.
करोना प्रादुर्भाव कमी झाला असला तरी पुणे अजूनही तिसऱ्या स्तरावर आहे.
मात्र, सध्याचे र्निबथ शिथिल करण्यासंदर्भात मुख्यमंत्री आणि उपमुख्यमंत्री यांच्याशी सकारात्मक चर्चा झाली असून दोन दिवसांत र्निबधांतून दिलासा मिळेल, असे गृहमंत्री दिलीप वळसे पाटील यांनीही पत्रकारांशी बोलताना सांगितले.
असे असले तरी प्रत्यक्षात पूर्वीचेच निर्बंध सध्या लागू असल्याचे आदेश महापालिका आयुक्त विक्रम कुमार यांनी काढले.
शहरातील करोना रुग्णांची संख्या नियंत्रित असून गेल्या महिन्याभरापासून बाधितांचा दरदेखील कमी आहे.
